期待已久的颱風終於出現喇，哈哈哈！

在下午8 時，熱帶風暴珊瑚集結在香港之東南偏東約570公里，即在北緯20.2度，東經119.2度附近，預料向西北移動，時速約25公里，靠近廣東省東部。
（以上天氣稿由天文台於2005年08月12日19時45分發出）

係咪覺得有點變態呢，居然為颱風來臨而慶祝，須知道颱風會為人們的生命財產帶來威脅，打風唔係甚麼開心的事！呢個道理我當然明，只係因為今年到八月都仲未打過風，等等下忽然變得有點期待，我都知我渴望颱風來臨的想法係唔妥咖啦！=p

唔知係咪地區性的問題，話就話打風，今日都無乜雨喎，除了剛才落過一兩分鐘大雨之外，都唔覺天文台所講的狂風雷暴！不過天色就真係好差，四周圍都好似好大霧（我諗應該係煙霞之類），能見度好低，而且仲好焗添呀！最好的活動都係留係屋企睇”我的野蠻奶奶”大結局。=)