下午開始我的重返校園之旅，心態是變了，但感覺卻一樣，一樣的睏，哈！

今日上的是Organizational Management (OM)，坦白講真係好悶，或者係我無天份兼且無興趣喇，其實都唔係第一次讀OM，第一次接觸這學科係undergraduate的year 1，當時的我讀得一塌胡塗，最後落得一個C的收場，今次希望唔會啦！

上過第一課之後發現自己一直都係生在福中不知福，從‘前在背山面海的新式校舍內上課總是嫌三嫌四，今日才發現當時的環境實在舒適。很掛念ust的LTA，一個可以容納四百人的講廳，坐位比戲院的還要舒適，坐在裡面上課五分鐘便能令人熟睡。:sleepy:

反觀今日上課的講廳，坐位實在太硬，不宜一睡，個Projector又矇喎，叫人點睇喎！當然我未參觀過其實講廳，或許這兒也有像LTA般舒服的地方，只係我無緣一見！

不過係咁咖啦，每個地方都有自己的利與弊，ust係舒適，但係九丈遠，坐車都坐到傻呀！依家咁近都幾好呀！