睇過《一個人上東京》之後，對高木直子的著作產生好大興趣，決定買埋佢的第一本作品《150cm Life》。

《150cm Life》顧名思義就係指身高只有150cm的人的生活。作者自15歲後身高就一直停留係150cm，作者透過可愛的圖畫同攪鬼的文字寫出平日因個子矮小所帶來的諸多不便和因個子矮小而得到的特別照顧。內容好生活化，當中有好多事都係我地平日有都有機會遇上的，看起來都幾有共鳴咖。

無錯，相對於高木直子的150cm身材，我身材真係一點都唔小，但高木直子遇上的問題，我都經常遇上，只不過情況係剛剛相反。好似買衣服時遇上的不便，高木直子面對的係衣服太大，而我則係衣服太小！哈哈！

不過可能係因為先入為主，又或者本身比較喜歡抒情作品，我會比較喜歡《一個人上東京》一書。個人認為《一個人上東京》比較有組織，比較有故事感，內容相對亦比較吸引。看畢兩書之後，我認為作者正在進步，期待佢的新作品面世。