人越長大越怕事，從前做事總是不顧後果，現在卻偏偏事事都畏首畏尾，討厭！說得好聽點是人成熟了，學會三思而後行，難聽講句是”船頭驚鬼，船尾驚賊”，最後事事不成！sigh~

小時候是個小惡霸，心情唔好必發牌氣，對任何人都唔駛俾面。記得有一次Auntie們在家攻打四方城，八個人、八張嘴、兩張枱、兩個墟，二百八十八隻麻雀”闢闢啪啪”，一時心火盛，向著這些Auntie連珠爆發，個個目瞪口呆，哈哈！恐怕今時今日真係做唔出囉！

中學時日日作弊，無論係做功課或測驗唔係我抄人就係人抄我，從來都無想過如果被捉到的後果，明知老師早已知道，都未想過收手，掂！但此時此刻我想我再無如此的膽量lu。

學會三思而後行當然是好事，但當三思過火之時，事事都想得太周詳，人難免變成畏首畏尾。

今日的我未免慮太多，從前的一段荒唐歲月實在令人懷念。