呢排迷上了Blog，日日都四圍去搵，睇下有乜東西可以加入個Blog到，今日又多手加了個Shoutbox（sidebar個”隨便吹水”），個用途同留言版一樣！朋友仔，大家除了可以係吹水版到留言之外，呢到都得咖！

如果大家都想整番個的話，可以去ShoutMix到申請一個！

其實驅我去整呢個Shoutbox仲有一個原因，因為之前netfirms二級域名的網站曾在內地被封，不能到訪，擔心上京後的瀛不能去吹水版吹吹水，所以係到加插留言盒，萬一去唔到吹水版，都可以係到留言嘛！
（現在最擔心的是唔知blogzy有否被封，揀呢到都係貪佢知名到唔高，無咁易被封！）

午飯時做了一個關九型人格測驗 http://geocities.com/gadogry/e_test1.html

我的測驗結果：
第一型（改革型）: 3分
第二型（付出型）: 5分
第三型（成就型）: 5分
第四型（自我型）: 4分
第五型（思考型）: 5分
第六型（忠誠型）: 6分
第七型（活躍型）: 2分
第八型（挑戰型）: 0分
第九型（平和型）: 6分

第六型－－忠誠型
第六型的人忠誠﹐負責﹐喜歡群體生活。他們很需要信任﹐在感到安全的群體裡會很溫和﹐好玩﹐很會關心身邊的人。而在其他地方會顯得比較防衛﹐拘謹。
因為他們對自己有很多疑慮﹐不喜歡受人注視﹐所以未必是出色的領導者。他們很需要一個可信任的群體或者一個明確的敵對目標來集中自己的注意力。
他們小心謹慎﹐警覺性很高﹐很會察覺危機出現﹐而面對危機也很懂得處理。例如他們可以很敏銳地看出別人言行舉止背後的動機。可惜第六型的陰謀論作風也會讓他們跨大危機的可能性﹐甚至會擔懮不存在的危機。這形成不健康的第六型人的行為變得極端。他們有總會被迫害的念頭﹐常質疑﹐否定身邊的人。當他們發覺(或者開始懷疑)被背叛﹐會變得更惡劣。

最渴望﹕安穩, 有保障
最恐懼﹕缺乏安全感
最難達到的美德﹕勇氣 (Courage)
最難克服的執念﹕猜疑 (Doubt)

第九型－－平和型
第九型的人平靜詳和﹐被動﹐漠然﹐感受力強。他們會為身邊每個人營造安寧詳和的氣氛﹐讓人覺得安心可靠。
他們很害怕衝突﹐有時他們會因為不惜代價地維持和平﹐而無法發展出獨立個體的功能。拒絕正視問題的存在﹐使他們脫離真實世界。他們也通常顯得懮柔寡斷﹐因為他們怕表明立場後會被否定。
有耐性﹐好脾氣﹐不自誇﹐不自私﹔第九型的人通常都是個大好人。但他們也會為了順應別人而太調整自己﹐接受傳統角色與期望﹐被動﹐得過且過﹐為了緩和對立而粉飾問題﹔聽天由命﹐認為自己不能做什麼﹐怠慢疏忽。不健康的第九型可能會變成多重人格﹐又依賴又迴避。

最渴望﹕和洽相處
最恐懼﹕有紛爭﹐有衝突
最難達到的美德﹕果斷 (Right action)
最難克服的執念﹕懶惰 (Sloth)

各型的得分都好接近，實在唔係太清楚自己究竟係邊一型，以上係最高分的兩型的分析，除了以上兩型的分析之外，都睇過第二、三、五的分析，似乎型型都講中一d喎，咁豈不是型型都係，真唔知叫唔叫做叫準囉！哈哈！不過個人認為最準的係我的第八型攞０分！

第八型－－挑戰型
第八型的人有自信﹐強悍﹐鬥志旺盛﹐有無比勇氣及領導才能。很會鼓舞他人﹐受人尊敬。
他們喜歡控制環境﹐卻只追求私利。一般第八型人都比較不尊重他人的權利與需求。他們會為了自己而脅迫他人﹐喜歡與人對質﹐又衝動又好戰﹐所以容易樹立敵人。
他們很有權威性和支配性﹐能為人奮戰﹐保衛他人。但不健康的第八型會顯得任性﹐殘暴﹐沒同情心﹐獨裁﹔有誇大狂傾向﹐對不順己意者殘忍地迫害﹔復仇心重﹐暴力﹐粗野﹐凶殘。

以上的特性我真係完全無喎！

今日發現了Cocoa Island，真係太可愛喇，忍唔住又走去申請一個（請看Sidebar），嘻嘻！

只要將Cocoa Island放在Blog當中,只要瀏覽的人越多,小島上的建設就越發達。依家我的Cocoa間屋幾簡陋！得幾碌木咋，希望大家多d來喇，咁佢間就會靚d喇！

另外屋旁的信箱其實是個留言版的結連，但好像只供會員留言，可惜！

其實用Blog已有快要兩年的時間，申請過無數的Blog空間，比較過各Blog功能，最後實際用過的就只有Xanga、Blogger和現在的Blogzy。而將Blog搬來搬去的最大原因莫過係功能有別。最初我用的是Xanga，無異Xanga係簡單而普及，但功能就比較弱，作為個免費會員，版面根本就無修改的空間，用上一段時間真係令人覺得好悶。之後轉用了Blogger，實在係唔錯的空間，可以任意修改版面，又多人用，但後來隨住提供Blog空間的供應者增加及wordpress等功能非凡的Blog軟件出現之後，Blogger變得失色，因此筆者又覺得係時候搬了，結果來到了Blogzy。

Blogzy用的系統大概就是wordpress（因為覺得和wordpress沒兩樣），有筆者最喜歡的日曆小玩意，還可以將文章分類，又有RSS Feed，而且版面又可任用家設計，功能實在一流。就係因為Blogzy給予的自由度，令筆者近期對Blog產生了極大的興趣，每日都漫遊於Blog世界，睇下別人的Blog上有甚麼新玩意，自己也試著加上。

經過兩天的網絡遊行後，筆者為這兒加了幾樣新東西，第一樣係尋日同大家提及的Meromero Park小寵物，網絡上的人都稱做小水滴，是現時相當流行的Blog玩意。其實除了Meromero之外，今日還加了Blog Pet（Sidebar上的”Little Panda”。而今日還發現了Cocoa Island，

好可愛呀，很想自己也弄一個呀！

另外一樣就係今日加上去的，十分實用的天氣預報，唔錯掛！

最令筆者佩服的係介紹這些玩意的人，由於大部份玩意都係由日本發明，對於唔識日文的筆者而言簡直係一頭霧水，幸得各路高人介紹指點先攪掂，真係好感謝！

有無留意sidebar上加入了我的小寵物一項呢？呢隻就係我在MeroMero Park新養的Blog寵物，幫佢改了個名，叫做”小朋友”。

其實在Blog裡養寵物一早已略有所聞，但係由於完全係日本所以無心機攪。今日忽然心血來潮，睇了幾遍介紹MeroMero Park的Blog，跟住佢地的指示養了一隻小寵物。

這個Blog 小寵物令我想起了十年前風靡一時的電子寵物－－Tamagochi。

記得十年前這種新小玩意出現並成為熱潮，大大小小的朋友都搶著買一個來玩。當時一部Tamagochi便宜的大概買HK$160，有d特別的買到幾百蚊都試過。當時養電子寵物的潮流淹沒成個香港，近乎人人身上都一個。不論可時可地都會見到呢個size與一件麥樂雞相約的Tamagochi，人人都埋頭苦幹地餵自己的小寵物食飯、同小寵物做運動、幫佢醫病，真係好忙咖！

而筆者自己都曾經擁有過一個，不過並不是自己買的，而係好友Jessica送的。印象中自己對於養呢種電子寵物的耐性實在欠奉，經常養唔到一兩日就死了，久而久之都無心機養，最後Tamagochi就消失在我的視線之內lu！

至於呢隻”小朋友”，我暫時都仲未好了解點樣養，俾d時間我研究！=p